الالف : أبي فلوس بروح معزومة على شاي الضحى .
الباء : بكره أبيك توديني لبيت أهلي عندهم عزيمة .
التاء : ترى اليوم انا ماني مسويه عشاء روح للمطعم جيب عشاء
الثاء : ثلاث اسابيع ما طلعنا للملاهي يالله ودنا اليوم
الجيم : جيب خدامه تساعدني بشغل البيت......... (والبيت نص شقة) قهر .
الحاء : حبيبى .. ودي ساعة شوبارد , مليت من ساعتى الاوميغا ( شوفوا النفاق .. توها تذكرت هالاسم ) .
الخاء : خل الشله اليوم .. انا عازمتك نتعشى بره , بس على حسابك .
الدال : دور لنا فله على 3 شوارع وفيها سرداب (الراتب 3000 ريال من وين ياحسرة)
الذال : ذيك السنة (قبل 10 سنوات) قلت لك اشتر لنا سيارة فان اوسع وما شريت
الراء : روح قدم على إجازة خلنا نسافر لأوروبا ,, اووف حر
الزاء : زيد مصروف البيت هذا ما يكفي أغراض البيت (ومعظم البيزات عليها وعلى خرابيطها)
السين : سجاد البيت صار قديم ....غيره يا أخي (السجاد ما كمل له سنتين)
الشين : شيل ولدك شوفه يصيح هناك , انا تعبت من العيال ..
الصاد : صفف الملابس هناك منثرة , مليت وانا القط وراك
الضاد : ضبط اوضاعك .. ترى كبرت المسؤولية .. (توها والدة)
الطاء : طالع السيارة سكراب تفشل قديمة , نبي شبح .
الظاء : الظاهر إنك ما تحبني .. ليش ما شريت لى العقد الالماس اللى بغيته!(حب بالالماس بس)
العين :عيوني .. اليوم شفت فستان عند زوجة أخوي يجنن خاطري بواحد مثله .
الغين : غير يا أخي أسلوبك معاي ... كله برود .
الفاء : فديتك حبيبي وين تبينا نسافر هالصيف؟
القاف : قدر يا أخي شوي ... كل شغل البيت على راسي ... تكرم وساعدني شوي
الكاف : كفاية ملينا من هالبيت متى راح تسوي لنا بيت أكبر من هذا .
اللام : لمتى بنظل محبوسين في هالبيت لا نطلع مثل الخلق ولا غيره .
الميم : متى بتوديني لبنان مثل ما وعدتني قبل؟؟؟؟
النون : نبغى نحجز شاليه شرم الشيخ طول الصيف .. لا تنسى!
الهاء :ها عاد .. ترى أروح بيت أهلي ! إذا مو قد الزواج وتكاليفه ليش تخطبني ؟؟
الواو : ورني شطارتك رح عند اخوك خذ منه الورث( راعية مشاكل) .
الياء : يالله إيدك على 2000ريال رضاوة .. لأنك زعلتني وكسرت خاطري .
